ხმელთაშუა ზღვაში ნავის ჩაძირვის შედეგად 2 ბავშვი დაიღუპა, ხოლო 17 მიგრანტის გადარჩენა მოხერხდა. ინფორმაციას გერმანული არასამთავრობო ორგანიზაცია “Sea Punks” ავრცელებს.
განცხადებაში ნათქვამია, რომ გადარჩენა კვირას დილით მალტის სამძებრო-სამაშველო ნაწილში მოხდა.
მალტის სამაშველო ვერტმფრენით ორსული ქალისა და მძიმედ დაშავებული მამაკაცის ევაკუირება მოხდა.
გადარჩენილების თქმით, ნავში 21 ადამიანი იმყოფებოდა, 2 ადამიანი უგზო-უკვლოდ დაიკარგა.
