თანამედროვე ტექნოლოგიების განვითარებასთან ერთად, ხელოვნური ინტელექტი (AI) სულ უფრო მეტად ინაცვლებს ჩვენს ყოველდღიურ ცხოვრებაში. თუმცა, ახალი კვლევის მიხედვით, მისი გადაჭარბებული გამოყენება საფრთხეს უქმნის კრიტიკულ აზროვნებას და ადამიანის კოგნიტურ უნარებს.
რა აჩვენა კვლევამ?
666 მონაწილესთან ჩატარებული კვლევის შედეგებმა მნიშვნელოვანი უარყოფითი კორელაცია აჩვენა AI ინსტრუმენტების გამოყენებასა და კრიტიკული აზროვნების უნარებს შორის.
ხელოვნურ ინტელექტზე მუდმივი დაყრდნობა ამცირებს ინფორმაციის დამოუკიდებელ შეფასებასა და პრობლემების ანალიტიკურ გადაჭრის უნარს.
განსაკუთრებით მაღალი რისკი აღინიშნა 17-25 წლის ახალგაზრდებში, რომლებიც ყოველდღიურად იყენებენ AI-ს სასწავლო თუ სამუშაო პროცესებში.
პროფესორი გიორგი ფხაკაძის კომენტარი:
„ხელოვნური ინტელექტი სასარგებლო ინსტრუმენტია, მაგრამ მისი გადაჭარბებული გამოყენება ჩვენს ტვინს პასიურს ხდის. კრიტიკული აზროვნება და დამოუკიდებელი გადაწყვეტილებების მიღების უნარი არის ის, რაც გვაქცევს მოაზროვნე პიროვნებებად. საჭიროა ბალანსი – ტექნოლოგიის გამოყენება, მაგრამ არა კოგნიტური სიზარმაცის წახალისება.“
რა არის კოგნიტური გადატვირთვა (Cognitive Offloading)?
ეს არის ტექნოლოგიურ ინსტრუმენტებზე დამოკიდებულება იმგვარად, რომ ტვინი წყვეტს დამოუკიდებელ აზროვნებას.
AI-ს საშუალებით ადამიანები თავს არიდებენ ინფორმაციის ანალიზს და გადაწყვეტილებების მიღებას, რაც ნელ-ნელა ამცირებს ტვინის აქტიურობას.
ადრე ეს მხოლოდ კალკულატორებსა და სმარტფონებს ეხებოდა, ახლა კი ხელოვნური ინტელექტი ახდენს ყველაზე რთული მენტალური პროცესების ჩანაცვლებას. კითხვის გაგრძელება…
