წვევამდელთა სამხედრო აღრიცხვაზე გამოძახების წესი იცვლება – ჯარში გაწვევის შესახებ უწყების ჩაუბარებლობის შემთხვევაში, საიტზე გამოქვეყნდება, ხოლო მე-7 დღეს ჩაბარებულად მიიჩნევა

საქართველოს მთავრობის

დადგენილება №422

2026 წლის 31 აგვისტო

ქ. თბილისი

- Advertisement -

„სამხედრო აღრიცხვის, წვევამდელთა ეროვნული სამხედრო სამსახურისა და სარეზერვო სამხედრო სამსახურის ორგანიზების წესის დამტკიცების შესახებ“ საქართველოს მთავრობის 2023 წლის 29 დეკემბრის №543 დადგენილებაში ცვლილების შეტანის თაობაზე

მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამხედრო აღრიცხვის, წვევამდელთა ეროვნული სამხედრო სამსახურისა და სარეზერვო სამხედრო სამსახურის ორგანიზების წესის დამტკიცების შესახებ“ საქართველოს მთავრობის 2023 წლის 29 დეკემბრის №543 დადგენილებაში (www.matsne.gov.ge, 29/12/2023, 120160010.10.003.024378) შეტანილ იქნეს ცვლილება და:
1. დადგენილებით დამტკიცებული წესის:

ა) მე-2 მუხლს დაემატოს შემდეგი შინაარსის „ო“ ქვეპუნქტი:

„ო) ოჯახის წევრი − დედა, მამა, და, ძმა, მეუღლე.“;

ბ) მე-4 მუხლის მე-6 პუნქტი ჩამოყალიბდეს შემდეგი რედაქციით:

- Advertisement -

„6. თუ პირი შეიცვლის რეგისტრაციის ადგილს, სახელმწიფო სერვისების განვითარების სააგენტოდან ან მისი ტერიტორიული სამსახურებიდან მიღებული, თავდაცვის კოდექსით განსაზღვრული მონაცემები წვევამდელთა სამხედრო აღრიცხვაზე მყოფი პირის შემთხვევაში აისახება სააღრიცხვო ანბანურ წიგნსა (დანართი №1) და სამხედრო-სააღრიცხვო ბარათში (დანართი №2), ხოლო სამობილიზაციო რეზერვში მყოფი პირის შემთხვევაში − სამხედრო-სააღრიცხვო ბარათსა (დანართი №2) და შესაბამის ელექტრონულ სისტემაში.“;

გ) მე-5 მუხლის:

გ.ა) პირველ პუნქტს დაემატოს შემდეგი შინაარსის „თ“ ქვეპუნქტი:

„თ) შეუწყდა საქართველოში სტატუსის მქონე მოქალაქეობის არმქონე პირის სტატუსი.“;

გ.ბ) მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტის „ა“ − „ე“ და „ზ“ ქვეპუნქტებით გათვალისწინებული საფუძვლის გაქარწყლების შემთხვევაში პირი ექვემდებარება ხელახალ სამხედრო აღრიცხვას. განაგრძეთ კითხვა