„შენ საუკეთესო მომავალი უნდა გქონოდა.. როგორ გვტკივა ყველას.. რევი 
“, – ამის შესახებ პოსტს სოციალურ ქსელში ქართულ-ამერიკული უმაღლესი სკოლა ავრცელებს.
შეგახსენებთ, 19 ივლისს, გამთენიისას, დაახლოებით 5:00 საათზე თბილისში, ყაზბეგის ქუჩაზე ავტოსაგზაო შემთხვევას ახალგაზრდა მამაკაცი ემსხვერპლა.
არსებული ინფორმაციით, საპატრულო პოლიციის ეკიპაჟი მოტოციკლის მძღოლს დაედევნა, მოგვიანებით კი გზა გადაუკეტა, რის შემდეგაც მოტოციკლის მძღოლი ეკიპაჟის მანქანას შეეჯახა. 19 წლის ბაიკერი ადგილზე დაიღუპა.
გავრცელებული ინფორმაციით, 19 წლის რევი დემეტრაშვილია. რევი ქართულ-ამერიკული უმაღლესი სკოლის წარჩინებული კურსდამთავრებულია, რომელიც გასულ წელს მადრიდის IE University-ში 75%-იანი დაფინანსებით ჩაირიცხა.
ცნობისთვის, მოტოციკლის მძღოლის დაღუპვის საქმეზე პროკურატურამ პოლიციის თანამშრომელი დააკავა.
მასალის გამოყენების პირობები
