წითელი პარასკევი დიდი მარხვის ყველაზე მძიმე დღეა.
დიდ პარასკევს, მაცხოვრის ვნებასთან დაკავშირებით, უსისხლო მსხვერპლშეწირვა – წმიდა წირვა არ აღესრულება, ნიშნად იმისა, რომ თვით უფალი იყო უკანასკნელი სისხლიანი მსხვერპლი ადამიანთა ხსნის საღმრთო განგებულების აღსრულებისას.
დიდი პარასკევის სერობა მაცხოვრის ჯვრიდან გარდამოხსნასა და დასაფლავებას ეძღვნება.
მიუხედავად, ამ მძიმე დღისა, სოციალურ ქსელში ბევრი ადამიანი წერს მისალოც პოსტს და აგზავნის გიფებს.
“წითელ პარასკევს, მაშინ, როცა გლოვის და განცდის დღეა… სოციალურ ქსელში გიფებით და ზედაპირულად მილოცვა არ არის მართებული. უხერხულია.
თუ სიღრმეებში ჩავალთ და გავიაზრებთ ამ დღის მნიშვნელობას, იოანე ოქროპირის სიტყვებს დავესესხები – როცა უყურებ ჯვარცმას, ჯვარცმულ მაცხოვარს, ჩვენ გვახსენდება ძლევა ჯოჯოხეთზე, სიკვდილზე, ის რომ კაცობრიობას განეღო სასუფევლის კარი ჯვარცმით…
თუ ამ კუთხით გავიაზრებთ, რა თქმა უნდა, შესაძლოა მისალოცი იყოს, თუმცა ჩემი პირადი პოზიციით, ზოგადად ამ ფორმით მილოცვა, არ არის კორექტული, რადგან მოკლებულია სიღრმეს და ემოციას” – ამბობს სასულიერო პირი.
