უკრაინელმა სამხედროებმა რუსი სამხედროების მიერ ღამის განმავლობაში გაშვებული უპილოტო საფრენი აპარატები და რაკეტა მოიგერიეს.
უკრაინის შეიარაღებული ძალების ინფორმაციით, რუსი სამხედროების მიერ გაშვებული 22 „შაჰედის“ ტიპის დრონიდან, 20-ის ჩამოგდება მოხერხდა ხერსონის, სუმის, ჟიტომირისა და ჩერნიგოვის რეგიონების თავზე.
გარდა ამისა, აღინიშნება, რომ რუსმა სამხედროებმა „ისკანდერ-მ“-ის ტიპის რაკეტაც გამოიყენეს.
უკრაინული მედიის ცნობით, ჟიტომირისა და ჩერნიგოვის რაიონებში თავდასხმის შედეგად დაზიანდა ელექტროენერგიის ობიექტები, რის გამოც რამდენიმე აბონენტს ელექტროენერგია არ მიეწოდება. აღდგენითი სამუშაოები ამ დრომდე გრძელდება.
QR კოდი
სტატიის ციტირება
შენი ამბები. (2024). უკრაინის საჰაერო ძალებმა რუსი სამხედროების მიერ გაშვებული 22 დრონიდან 20-ის ჩამოგდება შეძლეს. 26 ივლისი, 2024. https://sheniekimi.ge/ambebi/უკრაინის-საჰაერო-ძალებმა/
