ბაღდათის სოფელ ნერგეეთში, სტიქიის ზონაში მაშველებმა მეცხრე ადამიანის ცხედარი იპოვეს.
ბაღდათის მუნიციპალიტეტის სოფელ ნერგეეთში მეწყერი 7 თებერვალს, ღამით ჩამოწვა. მეწყერმა ოთხი სახლი მოიყოლა. მაშველებმა ერთი ადამიანის გადარჩენა შეძლეს. სტიქიას ცხრა ადამიანი ემსხვერპლა.
სტიქიის ზონაში დაკარგულ ცხრა ადამიანს მაშველები ორი დღის განმავლობაში ეძებდნენ. სტიქიის ზონაში 200-ზე მეტი მეხანძრე-მაშველი შესაბამისი აღჭურვილობით, მცურავი საშუალებებით, ტექნიკითა და დრონებით ახორციელებდა სამძებრო სამუშაოებს. ძებნა-შველის ღონისძიებაში ასევე ჩართულია კინოლოგთა ჯგუფი.
ოფიციალური ინფორმაციით, ნერგეეთში მეწყერის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს. მიწის მასა ჩამოშლილია გზის დაახლოებით 200-მეტრიან მონაკვეთზე.
მასალის გამოყენების პირობები
