რძისა და რძის ნაწარმზე დამატებითი ეტიკეტირების შემოღების საკითხზე რძის სექტორის წარმომადგენლებთან სამუშაო შეხვედრა გაიმართა

ავტორი
2 წუთიანი წაკითხვა

 გარემოს დაცვისა და სოფლის მეურნეობის სამინისტროში რძის სექტორის წარმომადგენლებთან სამუშაო შეხვედრა გაიმართა, სადაც „რძისა და რძის ნაწარმის შესახებ“ ტექნიკურ რეგლამენტში დაგეგმილი ცვლილებები განიხილეს. ცვლილებები რძის, რძის ნაწარმისა და რძის შემცველი პროდუქტების დამატებითი ეტიკეტირების შემოღებას ითვალისწინებს.

შეხვედრას გარემოს დაცვისა და სოფლის მეურნეობის მინისტრის მოადგილე ლაშა ავალიანი ხელმძღვანელობდა.

მინისტრის მოადგილის განცხადებით, ცვლილებების მიზანია ადგილობრივი რძის წარმოების წახალისება და საბოლოო მომხმარებლის ინფორმირებულობის გაზრდა.

„რძის მწარმოებლებთან და გადამმუშავებლებთან შეხვედრაზე განვიხილეთ დამატებითი ეტიკეტირების ინიციატივა. გაიმართა დისკუსია და მოვისმინეთ ინდუსტრიის წარმომადგენელთა მოსაზრებები. ჩვენი მიზანია ადგილობრივი წარმოების მხარდაჭერა და მომხმარებლისთვის მკაფიო ინფორმაციის მიწოდება; ამასთანავე, მნიშვნელოვანია, რომ გადამმუშავებელთა ინტერესებიც სრულად იყოს გათვალისწინებული“, – განაცხადა ლაშა ავალიანმა.

შეხვედრაზე მხარეებმა ტექნიკურ რეგლამენტში ცვლილებების ამოქმედების ვადებსა და კონკრეტული ნიშანდების საკითხზე იმსჯელეს.

„შეხვედრაზე დეტალურად განვიხილეთ ეტიკეტირების საკითხი, რომლის მიხედვითაც თითოეულ პროდუქტზე მკაფიოდ განისაზღვრება, რა ნედლეულისგან არის ის წარმოებული. ეს მნიშვნელოვანი ნაბიჯია დარგის განვითარებისთვის, გაიზრდება მოთხოვნა ნედლ რძეზე, რაც ფერმერებს დამატებით სტიმულს მისცემს. გრძელვადიან პერსპექტივაში ეს დადებითად აისახება სოფლის ეკონომიკასა და ინვესტიციებზე“, – აღნიშნა რძის მწარმოებელ-გადამმუშავებელი კომპანიის „კავკასიის გენეტიკა“ აღმასრულებელმა დირექტორმა გიორგი ხატიაშვილმა.

შეხვედრის ფარგლებში, სურსათის ეროვნული სააგენტოს წარმომადგენლებმა სექტორს გააცნეს 2025 წლის სახელმწიფო კონტროლის შედეგები რძისა და რძის ნაწარმის წარმოების, გადამუშავებისა და რეალიზაციის მიმართულებით. ასევე აღინიშნა, რომ 2026 წლისთვის დაგეგმილია ლაბორატორიული კვლევების გაფართოება, გაიზრდება ნიმუშების რაოდენობა და სხვადასხვა პროდუქციის შემოწმება დაახლოებით 150-მდე ქიმიურ და მიკრობიოლოგიურ მაჩვენებელზე.

შეხვედრას ესწრებოდნენ სურსათის ეროვნული სააგენტოს უფროსი გიორგი იაკობაშვილი და სოფლის მეურნეობის სახელმწიფო ლაბორატორიის დირექტორი ირაკლი გულედანი.

სკანირება
QR კოდი
sheniekimi.ge/ambebi

სტატიის ციტირება

შენი ამბები. (2026). რძისა და რძის ნაწარმზე დამატებითი ეტიკეტირების შემოღების საკითხზე რძის სექტორის წარმომადგენლებთან სამუშაო შეხვედრა გაიმართა. 17 თებერვალი, 2026. https://sheniekimi.ge/ambebi/რძისა-და-რძის-ნაწარმზე-და/

ვაკანსიები — იპოვეთ ახალი შესაძლებლობა

განცხადებები Sheni ვაკანსიიდან. პირობები და განაცხადის ვადა გადაამოწმეთ ორიგინალ გვერდზე.

Повар-универсал

ბათუმი · ტურიზმი / სასტუმრო / კვება

ანაზღაურება მითითებული არ არის

წყარო: HeadHunter
Senior 1С Developer

ბათუმი · IT / ტექნოლოგიები

ანაზღაურება მითითებული არ არის

წყარო: HeadHunter
B2C Product Manager — eSIM Product line

თბილისი · ადმინისტრაცია / მენეჯმენტი

ანაზღაურება მითითებული არ არის

წყარო: HeadHunter
მეტი ვაკანსია →

განახლებულია: 2026-11-20T14:51:09+04:00 · წყარო: Sheni ვაკანსია — სრული კატალოგი. აქ ნაჩვენებია წყაროს საჯარო ნაკადით მოწოდებული სია; უფრო ძველი განცხადებები იხილეთ სრულ კატალოგში.

გაუზიარეთ ეს სტატია
ავტორიSheniAmbebi.ge
მიჰყევით:
დამოუკიდებელი, აპოლიტიკური და ნეიტრალური მედია — ფაქტებზე დაფუძნებული სანდო ინფორმაცია. შენთვის და შენი საქართველოსთვის. #აქხარისხია #drpkhakadze #sheniambebi