იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ ქვეყანაში არსებულ ეპიდვითარებაში ისაუბრა. მისი თქმით, გრიპი გადამდებია სიმპტომების გამოჩენამდე ერთი დღით ადრე.
„ვირუსული ინფექციების სეზონურმა პიკმა გადაიარა – პიკი წელს თებერვლის მესამე კვირა იყო, შესაბამისად, 3 კვირაა, საქართველოში ავადობის მაჩვენებელი თანდათან მცირდება. მოლოდინი იმისა, რომ დარჩენილ პერიოდში ინფექციების მაჩვენებელმა მოიმატოს, ნამდვილად არ გვაქვს.
გრიპზე რთული ვირუსი ქვეყანაში არ გვაქვს“, – ამბობს ექიმი.
