American Airlines-ის რეის 618-ზე განვითარებული უჩვეულო ინციდენტი ფართო გამოხმაურებას იწვევს — დალასიდან ნიუ-არკისკენ მიმავალ ფრენაზე 67 წლის მგზავრი ართურ ლეინ ლუნდინი სხვა მგზავრებმა სავარძელზე წებოვანი ლენტითა და პლასტმასის მომჭერებით მიაბეს.
მოვლენები მაშინ განვითარდა, როდესაც ლუნდინი, რომელიც ბორტის უკანა ნაწილში იჯდა, ბორტგამცილებელს რასისტულ და შეურაცხმყოფელ შეუტია. სიტუაციაზე პირველმა სამართალდამცავი ორგანოს ყოფილმა თანამშრომელმა, მგზავრმა ხუან მეხიამ უპასუხა. მისივე თქმით, მან და მისმა მეგობარმა დაუყოვნებლივ ჩაერიეს და სხვა მგზავრების დახმარებით ლუნდინი სავარძელს დაუბეს, რათა შემდგომი ინციდენტი თავიდან აეცილებინათ.
ინციდენტის სიმძიმის გამო თვითმფრინავი ბალტიმორში იძულებით დაეშვა. სამართალდამცველებმა ლუნდინი ბორტიდან გაიყვანეს და დააკავეს — ამის შემდეგ კი ფრენამ მიმართულება განაახლა.
ინციდენტის საჯაროდ გახმაურების შემდეგ გაირკვა, რომ ლუნდინი არიზონას უძრავი ქონების სააგენტო Long Realty-ში მუშაობდა. სავარაუდო სისხლის სამართლის დანაშაულში ბრალდების საფუძველზე კომპანიამ მას სამსახური გაუუქმა.
ბორტზე გადაღებული ფოტოები, რომლებზეც ლუნდინი სავარძელზე გახვეული ჩანს, სოციალურ მედიაში სწრაფად გავრცელდა და ფართო დისკუსიას მოჰყვა — როგორც მგზავრების მიერ საკუთარი ინიციატივით განხორციელებული ჩარევის კანონიერების, ისე ავიაბორტზე უსაფრთხოების თემაზე.
Sheni Ambebi News
წყარო: www.ambebi.ge
