გავრცელებული ინფორმაციით, კრიშტიანუ რონალდუს 61 მილიონ ფუნტად შეფასებულმა კერძო თვითმფრინავმა საუდის არაბეთი ღამით დატოვა, რამაც გააჩინა ვარაუდი, რომ პორტუგალიელი რეგიონში ესკალაციის ფონზე ქვეყნიდან წავიდა – წერს ბრიტანული Daily Mail.
ერ-რიადი, სადაც რონალდუ პარტნიორთან, ჯორჯინა როდრიგესთან და ხუთ შვილთან ერთად ცხოვრობს, ირანული დრონების დარტყმის სამიზნე გახდა, რადგან საბრძოლო მოქმედებები უკვე მეოთხე დღეა გრძელდება. თავდასხმის სამიზნე საუდის არაბეთის დედაქალაქში მდებარე აშშ-ის საელჩოც იყო, ხოლო ირანული მედია იტყობინება, რომ ბაჰრეინში განადგურდა სამეთაურო შენობაც.
