საქართველოს ეროვნულ ბოტანიკურ ბაღში არსებული იაპონური ბაღის აღდგენითი სამუშაოები დასრულდა. სამუშაოები თბილისის მერიის, საქართველოში იაპონიის საელჩოს მხარდაჭერით და კომპანიამ JTI-ის ფინანსური დახმარებით ჩატარდა.
პროექტის მიზანი იყო იაპონური ბაღის ორიგინალური ელემენტების აღდგენა, მათ შორის ტორის ჭიშკარი, მინიატურული ხიდი, ცერემონიების სცენა და სხვ.
პროექტი უზრუნველყოფილი იყო სპეციალიზირებული იაპონური ლანდშაფტური კომპანიის „კოსუგის“ (Kosugi Zohen Co) მიერ. აღდგენით სამუშაოებს კოორდინირებას უწევდა საერთაშორისო პროექტების მენეჯერი ანდრეას ჰამაჰერი, ხოლო პროცესში მონაწილეობდნენ როგორც იაპონელი სპეციალისტები, ასევე საქართველოს ეროვნული ბოტანიკური ბაღის მებაღეები და ტექნიკური პერსონალი.
აღდგენილი ბაღი ოფიციალურად გაიხსნა თბილისისთვის მნიშვნელოვანი კულტურული ღონისძიებით – ჩაის ცერემონიით, რომელსაც ტოკიოდან მოწვეული ოსტატი უძღვებოდა. ღონისძიებას დაესწრნენ საქართველოს ეროვნული ბოტანიკური ბაღის დირექტორი, საქართველოში იაპონიის ელჩი იშიძუკა ჰიდეკი, ამერიკის შეერთებული შტატების ელჩი საქართველოში რობინ დანიგანი და სხვა მოწვეული სტუმრები.
#drpkhakadze #გიორგიფხაკაძე #davidiani #sheniambebi #აქხარისხია
QR კოდი
სტატიის ციტირება
შენი ამბები. (2025). რა სამუშაოები ჩატარდა თბილისის ბოტანიკურ ბაღში არსებულ იაპონურ ბაღში. 6 აპრილი, 2025. https://sheniekimi.ge/ambebi/რა-სამუშაოები-ჩატარდა-თბ/
