რა ვიცით ირანელ სტუდენტზე, რომელმაც თვითმხილველების ცნობით, უნივერსიტეტის კამპუსში პროტესტის ნიშნად ტანსაცმელი გაიხადა

CNN-ის ცნობით, ირანში, დააკავეს სტუდენტი გოგონა, რომელმაც აზადის უნივერსიტეტის კამპუსში წინ ტანსაცმელი გაიხადა – CNN-ი იუწყება, რომ სტუდენტმა ქალმა სწორედ ამ ფორმით გამოხატა წინააღმდეგობა ქვეყანაში არსებული მკაცრი, ჩაცმულობის კანონის მიმართ.

აღნიშნული ფაქტის ამსახველი ვიდეო სოციალურ მედიაში ვირუსულად გავრცელდა.

ვიდეო გაავრცელა უფლებადამცველმა ორგანიზაცია Amnesty International-მაც, სადაც ჩანს, რომ ქალი აზადის უნივერსიტეტის კამპუსთან ტანსაცმლის გარეშე ზის და თმები აქვს გაშლილი.

გაეროს სპეციალურმა მომხსენებელმა ირანში ადამიანის უფლებათა საკითხებზე განაცხადა, რომ იგი ყურადღებით აკვირდება თეირანში მომხდარს.

უფლებადამცველმა ორგანიზაცია Amnesty International-მა დაკავებულის დაუყოვნებლივ გათავისუფლება და ადვოკატთან და ოჯახთან ხელმისაწვდომობის გარანტია მოითხოვა.

კიდევ ერთ ვიდეოში ჩანს, რომ გოგონა გზას მიუყვება, ვიდრე მამაკაცთა ჯგუფი მას გარს შემოეხვევა, მანქანაში ჩასვამს და წაიყვანს.

ორგანიზაციამ განაცხადა, რომ ქალი „ძალადობრივად დააკავეს“ მას შემდეგ, რაც მან გააპროტესტა თეირანის უნივერსიტეტში ჩაცმულობის კოდექსის „შეურაცხმყოფელი აღსრულება”.

ირანის სახელმწიფო საინფორმაციო სააგენტო Fars-ი თვითმხილველებზე დაყრდნობით იტყობინება, რომ სტუდენტმა ტანსაცმელი მას შემდეგ გაიხადა, რაც უსაფრთხოების ორმა თანამშრომელმა ჩაცმულობის წესის დარღვევის გამო გააფრთხილა.

უნივერსიტეტის საზოგადოებასთან ურთიერთობის ხელმძღვანელის განცხადებით, ქალს ფსიქიკური ჯანმრთელობის პრობლემები ჰქონდა.