თავისუფლების მოედანზე ეროვნული ნაკრების ფეხბურთელები გულშემატკივარს შეხვდნენ. ღონისძიების ერთ-ერთ მომენტში, პირდაპირ ეთერში ისმის საღამოს წამყვანის, კომენტატორის, დიმა ობოლაძის ხმა, რომელიც ამბობს – “შენ არ გამოდიხარ”. ეს ვიდეო სოციალურ ქსელში გავრცელდა ისე, რომ თითქოსდა, ობოლაძე ბუდუ ზივზივაძეს ეუბნებოდა, სიტყვით არ გამოსულიყო.
ამ თემაზე ბუდუ ზივზივაძის მამა, კახა ზივზივაძე განცხადებას ავრცელებს და წერს, რომ სიტყვები – “შენ არ გამოდიხარ” დიმა ობოლაძეს მისი შვილისთვის არ უთქვამს.
“მეგობრებო, ვკითხე ბუდუს და მისთვის არ უთქვამს ის სიტყვები დიმა ობოლაძეს..მადლობა რომ გიყვართ ბუდუ სამართლიანები ვიყოთ”, – წერს კახა ზივზივაძე.
მასალის გამოყენების პირობები
