ესპანეთის კუნძულ მალიორკას სანაპიროსთან 6 ცხედარი იპოვეს, რომლებსაც ხელები და ფეხები შეკრული ჰქონდათ. ესპანეთის ხელისუფლებამ საქმესთან დაკავშირებით გამოძიება დაიწყო.
ყველაფერი იმაზე მიუთითებს, რომ ისინი მიგრანტები არიან. სამოქალაქო გვარდიამ პირველი ცხედრის პოვნის შემდეგ დაუყოვნებლივ დაიწყო საგამოძიებო პროცესი. სულ ნაპოვნია 6 ცხედარი, რომლებსაც დეტალური ექსპერტიზა უტარდებათ.
ადგილობრივი ხელისუფლების განმარტებით, ზოგიერთ ცხედარს სამაშველო ჟილეტი ეცვა. მათი განმარტებით, ფაქტები მიუთითებს, რომ ისინი, დიდი ალბათობით, მიგრანტები არიან.
პოლიციამ და საზღვაო პატრულირების დანაყოფებმა ათობით პატარა ნავი დააკავეს, რომლებიც ჩრდილოეთ აფრიკიდან არალეგალ იმიგრანტებს ჩამოჰყავდათ.
ბალეარის კუნძულების მთავრობის დელეგატმა, ალფონსო როდრიგეს ბადალმა, განაცხადა: “ამ ხელფეხშეკრული გვამების დანახვა ადასტურებს, რომ ჩვენ მიგრაციულ კოშმარში ვცხოვრობთ, რომლის უარყოფა და დაკნინება ზოგიერთის მცდელობაა”.
