სააღდგომოდ საოცარი პასკის რეცეპტი Food ბლოგერისგან Tatiana’s Kitchen ✨️

7 აპრილი 2025

1260

Picsart_25-04-07_17-46-30-020 — {"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"resize":1},"is_sticker":false,"edited_since_last_sticker_save":true,"containsFTESticker":false}

სააღდგომოდ საოცარი პასკის რეცეპტი Food ბლოგერისგან Tatiana’s Kitchen ✨️

ცნობილი Food ბლოგერი ტატიანა კვეკვესკირი, სოციალურ ქსელში ცნობილი ბლოგით Tatiana’s Kitchen, ჩვენს მკითხველს სააღდგომოდ პასკის რეცეპტს უზიარებს:

“დღეს ძალიან გემრიელი პასკები მოვამზადე, განსხვავებული რეცეპტით და არომატებით გაჯერებული. პასკა მოვამზადე ხაჭოსი და გამოვიდა ნოტიო და უგემრიელესი. რეცეპტი არის უმარტივესი არ უნდა დიდ ხანს ლოდინი, ერთიანად ვურევთ ყველაფერს და შედეგი საოცარი გამოდის ✨️

ინგრედიენტები:

100 გრ გამდნარი კარაქი
2 ც კვერცხი
250 მლ რძე
100 გრ შაქარი
ჩირები,მე ფორთოხლის გამოვიყენე
180 გრ ხაჭო
1ს/კ საფუარი
500 გრ ფქვილი
1 ც ფორთოხლის ცედრა და წვენი

მომზადება:

მიქსერის ჯამში მოვათავსოთ კვერცხი და შაქარი. დავუმატოთ გამდნარი კარაქი, ხაჭო, რძე, საფუარი, მწიკვი მარილი,ფორთოხლის წვენი… მე კონიაკში მქონდა ფორთოხლის ცედრა შენახული და ის დავუმატე 1 ს/კ, ფქვილი.

კარგად მოვურიოთ ყველაფერს, დავასვენოთ ცომი. ამოსვლის შემდეგ გადავანაწილოთ ფორმებში, მე ქაღალდის საშუალო ზომის ფორმები მქონდა და 4 ცალი გამოვიდა. ფორმებშიც დაველოდე ამოსვლას და გამოვაცხვე ღუმელში 180 გრადუსზე 35-40 წთ.

გამზადებულს ზემოდან მზა მინანქარი მოვასხი და გავაფორმე სურვილისამებრ.

წელს პირველად ვსინჯე ფორთოხლის ჩირი და ძალიან მომეწონა.
მზა მინანქარი მარტივარ მზადდება: 1 შეკვრა გავთქვიფე 1 კვერცხის ცილასთან.

მრავალ აღდგომას დაესწარით!

მასალის გამოყენების პირობები

გორში, 2008 წლის რუსეთ-საქართველოს ომში დაღუპულ გმირთა მემორიალთან სანთლების ტრადიციული აქცია მოეწყო