ბუდუ ზივზივაძე ერთ-ერთი გამორჩეული ქართველი ფეხბურთელია. ის არის საქართველოს ეროვნული ნაკრების და გერმანული კლუბ ჰაიდენჰაიმის (Heidenheim) თავდამსხმელი, რომელმაც კარიერა დაიწყო თბილისის “დინამოში” და წარმატებით ითამაშა როგორც ქართულ, ისე უცხოურ კლუბებში – მათ შორის დანიასა და უნგრეთში, ხოლო ბოლო წლებში განსაკუთრებით გამოიჩინა თავი გერმანიის მეორე ბუნდესლიგაში, სადაც გახდა ერთ-ერთი ლიდერი.
ბუდუ მეუღლესთან, ნინი კვერნაძესთან და პატარა შაისთან ერთად ცხოვრობს. წყვილმა ერთმანეთი ექვსი წლის წინ სოციალური ქსელით გაიცნო. მაშინ ფეხბურთელი ასეთი ცნობილი და წარმატებული არ ყოფილა. ორივე ქუთაისიდან არიან და გაცნობის შემდეგ, ბევრი საერთო ნაცნობი აღმოაჩნდათ. სიმპათია პირველივე შეხვედრისას გაჩნდა და შემდგომ ოჯახი შექმნეს. მაშინ ბუდუ დანიიდან ერთი კვირის ჩამოსული იყო, თბილისის “დინამოში” თამაშობდა.
ცოტა ხნის წინ ინტერნეტში გავრცელდა ვიდეო, სადაც წყვილი სახლის აშენების გეგმის შესახებ საუბრობს.
“აქ იქნება აუზი, სადაც ბავშვთან ერთად ვიცურავებთ” – აცხადებს ბუდუ.
