საქართველოში ჩატარდა მყინვარების მასშტაბური კვლევა, ასეთი მასშტაბის კვლევა ფაქტობრივად არასდროს ჩატარებულა, – ამის შესახებ საქართველოს გარემოს დაცვისა და სოფლის მეურნეობის მინისტრმა, დავით სონღულაშვილმა განაცხადა.
როგორც დავით სონღულაშვილმა აღნიშნა, კვლევა ჩაატარა ძალიან კომპეტენტურმა, მნიშვნელოვანმა საერთაშორისო კომპანიამ და მასში შვეიცარიელი და ქართველი ექსპერტები ერთობლივად მონაწილეობდნენ.
„რაც განსაკუთრებულად მნიშვნელოვანია, კვლევის შედეგად გამოიკვეთა, რომ მყისიერი საფრთხე არ არსებობს. მნიშვნელოვანია შემდგომი ეტაპები, მონიტორინგის სისტემების დამონტაჟება და სხვადასხვა პრევენციული ღონისძიების გატარება. მონიტორინგის სისტემები მომდევნო ორი წლის განმავლობაში დამონტაჟდება და შემდგომი ეტაპი უკვე ამ სამუშაოების შედეგად განისაზღვრება”, – განაცხადა დავით სონღულაშვილმა.
შვეიცარიული კომპანიის, GEOTEST-ის ექსპერტმა, დანიელ ტობლერმა მყინვარული ხეობების კვლევის შედეგები საქართველოს პრემიერ-მინისტრს, ირაკლი კობახიძეს დღეს გააცნო.
QR კოდი
სტატიის ციტირება
შენი ამბები. (2026). მყინვარების მასშტაბურმა კვლევამ აჩვენა, რომ მყისიერი საფრთხე არ არსებობს, მომდევნო ორი წლის განმავლობაში სხვადასხვა პრევენციული ღონისძიება გატარდება -დავით სონღულაშვილი. 16 იანვარი, 2026. https://sheniekimi.ge/ambebi/მყინვარების-მასშტაბურმა/
