22 ივნისის დილას მიჩიგანის შტატის ქალაქ უეინში მდებარე ეკლესიაში ღვთისმსახურებისას შეიარაღებულმა პირმა ცეცხლი გახსნა, რის შედეგადაც ერთი პირი დაჭრა.
“ოფიცრებმა დაადგინეს, რომ ეკლესიის დაცვის თანამშრომელმა ეჭვმიტანილი მოკლა”. – ნათქვამია პოლიციის განცხადებაში.
შემთხვევა ადგილობრივი დროით 11:45 საათზე მოხდა.
გავრცელებული ცნობებით, შეიარაღებული თავდამსხმელი ეკლესიაში შესვლას ცდილობდა, როდესაც ის ეკლესიის გარეთ მყოფმა პირმა შეაჩერა და მის წინააღმდეგ სატვირთო ავტომობილი გამოიყენა.
“ჩვენი ხელმძღვანელობა და საგამოძიებო მხარდაჭერის ჯგუფები უეინში, მიჩიგანში ადგილზე იმყოფებიან და აქტიურად ეხმარებიან ადგილობრივ სამართალდამცავებს”. – დაწერა FBI-ის დირექტორის მოადგილე, დენ ბონგინომ პლატფორმა X-ზე.
