12 წლის წინ, ლომისობის დღესასწაულზე გაუჩინარებული 17 წლის გურამ დადიანიძის საქმის ადვოკატი, ტარიელ კაკაბაძე გურამის გაუჩინარების საქმეზე ტელეკომპანია „ფორმულას“ ეთერში საუბრობს
ადვოკატმა მეწყერის ვერსიაზე გაამახვილა ყურადღება და თქვა, რომ რაც უფრო მეტად ეცნობა ამ საქმეს რწმუნდება, რომ „მით უფრო მეტად ნაკლები არის ვარაუდი, რომ ბავშვი შეიძლება მეწყერმა ჩაიტანა“
„როდესაც დაიწყო საგამოძიებო მოქმედებების ჩატარება, უკვე მცირე ხანში გაჩნდა ვერსია მეწყერთან დაკავშირებით, ამ ვერსიის შემდეგ, როგორც ირკვევა, თითქოს გაჩუმდა სიტუაცია, တითქოს მიიჩქმალა აღნიშნული სისხლის სამართლის საქმე და ამის შემდეგ თითქოს ყველამ შეწყვიტა ამ საქმეზე საუბარი დედის გარდა, რომელიც მარტო, საკუთარი რესურსებით, საკუთარი ენერგიის ხარჯზე ეძებდა თავის შვილს ისე, რომ ფაქტობრივად არავინ ეხმარებოდა…
მეწყერთან დაკავშირებით, რაც უფრო მეტს ვიგებ ამ საქმეზე და რაც უფრო ღრმად შევდივარ, მით უფრო მეტად ნაკლები არის ვარაუდი, რომ შეიძლება მეწყერმა ჩაიტანა და შეიძლება მეწყერი იყოს ამ ბავშვის დაკარგვის მიზეზი…
აქ ბევრი გარემოებაა რაც გამორიცხავს მეწყერს, მე უბრალოდ დღეს არ მინდა ამ ყველაფერზე საუბარი საჯაროდ, შესაბამისად ისმის კითხვა, რატომ მოიგონეს და ვინ მოიგონა აღნიშნული მეწყერის თემა, ეს ხომ არ ნიშნავს იმას, რომ ვიღაცამ ხელები დაიბანა და ვიღაცას უნდოდა საგამოძიებო მოქმედებების შეწყვეტა, ვიღაცას სურდა, რომ შეწყვეტილიყო საუბარი ამ საქმესთან დაკავშირებით და შეწყვეტილიყო სიმართლის გარკვევა ამ საქმესთან დაკავშირებით..“ – ამბობს ადვოკატი
ადვოკატი ამბობს, რომ „საქმის მასალების მიხედვით, გამოძიების დაწყების აღრიცხვის ბარათი 2017 წლით თარიღდება, ხოლო გურამ დადიანიძე 2014 წელს დაიკარგა“. „არ მინდა საგამოძიებო მოქმედებებს ხელი შევუშალო, სტრატეგიულად ყველაფერზე საუბარი დღეს სწორი არ იქნება, ეს იქნება ძალიან დიდი შეცდომა ყველა დეტალზე რომ ვისუბრო, თუმცა ამ გამოძიების (ახალი გამოძიების) დროს ბევრი საინტერესო დეტალი და ვერსია გამოიკვეთა, რომელზეც საჭიროა ძალიან აქტიურად საგამოძიებო მოქმედებების ჩატარება.
რა თქმა უნდა მე ვაცნობიერებ, რომ ეს ყველაფერი ძალიან საინტერესო იქნება საზოგადოებისთვის, თუმცა გამოძიების ინტერესები ამ შემთხვევაში უპირატესია და შემდეგ გამოძიებას ჩავაყენებ საქმის კურსში.
მე ერთი რამ შემიძლია გითხრათ, რომ გამოძიება ძალიან დაგვიანებული არის ამ საქმეზე, მე ჩავიბარე საქმის მასალები და საქმის მასალების მიხედვით, გამოძიების დაწყების აღრიცხვის ბარათი თარიღდება 2017 წლით, წარმოიდგინეთ, გურამ დადიანიძე დაიკარგა 2014 წელს და 2017 წლით თარიღდება გამოძიების დაწყების აღრიცხვის ბარათი და გამოკითხვის ოქმები უკვე იწყება 2017 წლიდან იმ საქმის მასალების მიხედვით, რაც მე ჩავიბარე შესაბამისად ისმის კითხვა – რა საგამოძიებო მოქმედებები მმდინარეობდა აქამდე, როგორ შეიძლებოდა არ ყოფილიყო ამოღებული ტელეფონები აქამდე იმ ადამიანების, ვინც სავარაუდოდ დაინახა რა ვითარებაში გაუჩინარდა გურამ დადიანიძე…“ – ამბობს ადვოკატი.
ცნობისათვის, შემთხვევა 2014 წელს მოხდა. 17 წლის მოზარდი მლეთაში დაიკარგა. თბილისიდან ლომისობაზე ჩასული ახალგაზრდების ჯგუფი სალოცავიდან მლეთაში ბრუნდებოდა, როდესაც ერთ-ერთი მათგანი გაუჩინარდა
