აშშ-ის სახელმწიფო დეპარტამენტმა დაადგინა „ერთი დროშის“ პოლიტიკა, რომლის თანახმად, საელჩოებსა და სხვა ოფიციალურ უწყებებზე მხოლოდ სახელმწიფო დროშა იყოს აღმართული.
მედიის ცნობით, ახალი ბრძანება ფაქტობრივად კრძალავს ამერიკულ ობიექტებზე მემარცხენე მოძრაობებთან დაკავშირებული დროშების ჩვენებას, მათ შორის „პრაიდისა“ და „შავკანიანთა სიცოცხლე მნიშვნელოვანიას“ დროშების, რომლებიც ბაიდენის დროს აღმართული იყო აშშ-ის სამთავრობო შენობებზე.
„მხოლოდ ამერიკის შეერთებული შტატების დროშა არის ნებადართული, ფრიალებდეს ან გამოიტანონ აშშ-ის ობიექტებზე, როგორც შიდა, ისე მის ფარგლებს გარეთ და წარადგინონ აშშ-ის მთავრობის კონტექსტში. აშშ-ის დროშამ გააერთიანა ყველა ამერიკელი სამართლიანობის, თავისუფლებისა და დემოკრატიის უნივერსალური პრინციპების ქვეშ. ამ ღირებულებებს, რომლებიც ჩვენი დიდი ქვეყნის საფუძველია, იზიარებს ამერიკის ყველა მოქალაქე, წარსულსა და აწმყოში“, – აღნიშნულია განცხადებაში.
როგორც მედია წერს, სახელმწიფო დეპარტამენტის ნებისმიერი თანამშრომელი, რომელიც დაარღვევს ახალ პოლიტიკას, დაისჯება დისციპლინური პასუხისმგებლობით, მათ შორის შრომითი ხელშეკრულების შეწყვეტით.
