კალიფორნიის უნივერსიტეტის მეცნიერებმა წყვილში ჭორაობისა და ბედნიერების კავშირი შეისწავლეს. მათი ნამუშევრის შედეგები ჟურნალში Journal of Social and Personal Relationships გამოქვეყნდა.
კვლევისთვის 76 წყვილი შეარჩიეს. ყველა მონაწილე ხანგრძლივ ურთიერთობაშია და თანაცხოვრების სულ მცირე 1 წელი აკავშირებთ. 4 დღის განმავლობაში თითოეული მათგანი თან ჩამწერ მოწყობილობას ატარებდა, რომელიც წყვილის თანაცხოვრების მოკლე აუდიო ფრაგმენტებს იწერდა.
საერთო ჯამში მეცნიერებმა თითქმის 100 ათასი აუდიო ფრაგმენტი მოაგროვეს. მკვლევართა ჯგუფი საუბრებს კოდირებით ამუშავებდა, რათა დაედგინა, თუ როდის ჭორაობდნენ მონაწილეები. წყვილებმა ასევე შეავსეს კითხვარები, რომლებიც მათ ბედნიერებასა და ურთიერთობის ხარისხს ზომავდა.
შედეგებმა აჩვენა, რომ ჭორაობა წყვილების ყოველდღიური საუბრების გავრცელებული ნაწილია. პარტნიორები ჭორაობას დღეში საშუალოდ 38 წუთს უთმობდნენ და თითქმის ყველა წყვილმა ერთხელ მაინც იჭორავა. საერთო ჯამში, ჩანაწერების დაახლოებით 3% რომანტიკულ პარტნიორთან ჭორაობას შეიცავდა.
ამასთან, წყვილებმა, რომლებიც უფრო ხშირად ჭორაობდნენ, ბედნიერების უფრო მაღალი დონე და ურთიერთობის უკეთესი ხარისხი დააფიქსირეს.
„ვინაიდან ჭორაობა ერთობლივი საქმიანობაა, მას შეუძლია გააძლიეროს პარტნიორების განცდა, რომ ისინი „ერთ გუნდში არიან“, გაზარდოს მათი საზოგადოებრივი გრძნობა, ნდობა და ურთიერთობის სხვა დადებითი ასპექტები“, – განმარტეს მეცნიერებმა.
ასევე ნახეთ: „მარტივი რიტუალი პრობლემებისგან თავის დასაღწევად…“ – რას გვირჩევს ასტროლოგი
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
