კახეთში ავარია “ბოლო ზარის” აღნიშვნისას – მანქანა, რომლითაც მოსწავლეები გადაადგილდებოდნენ, რამდენიმე მეტრის სიმაღლიდან გადავარდა

კახეთში, „ბოლო ზარის“ აღნიშვნის შემდეგ მომხდარი ავტოსაგზაო შემთხვევის შედეგად რამდენიმე მოსწავლე დაშავდა.

გავრცელებული ინფორმაციით, სოფელ ვაზისუბნის საჯარო სკოლის მოსწავლეები თელავის მიმართულებით გადაადგილდებოდნენ, როდესაც „ტოიოტას“ მარკის ავტომობილის მძღოლმა კონტროლი დაკარგა. მანქანა ჯერ განათების ბოძს შეეჯახა, შემდეგ კი გზიდან გადავარდა და რამდენიმე მეტრის სიმაღლიდან დაეშვა.

შემთხვევის შედეგად არიან დაშავებულები. ადგილზე მობილიზებული იყვნენ სასწრაფო სამედიცინო დახმარებისა და სამაშველო სამსახურის ჯგუფები.

დაშავებულთა ჯანმრთელობის მდგომარეობის შესახებ დამატებითი ინფორმაცია ამ ეტაპზე უცნობია.