იტალიაში ვულკანი „ეტნა“ ამოიფრქვა

იტალიის კუნძულ სიცილიაზე, ვულკანი „ეტნა“ ამოიფრქვა. ინფორმაციას dailymail-ი ავრცელებს.

მედიის ცნობით, ვულკანის დასათვალიერებლად ჩასული ტურისტები თავს გაქცევით შველიან.

ტულუზაში, ვულკანური ფერფლის საკონსულტაციო ცენტრმა, ავიაციისთვის წითელი განგაშის დონე გამოაცხადა, თუმცა ის მალევე შეიცვალა და ამჟამად ნარინჯისფერი განგაშის დონე მოქმედებს.

3 324 მეტრის სიმაღლის ეტნა ამჟამად ყველაზე მაღალი და აქტიური ვულკანია ევროპაში, რომელიც ხშირად იფრქვევა. ის იტალიაში, კუნძულ სიცილიაზე მდებარეობს.