ისრაელმა სამხრეთ ლიბანის სოფლებიდან თავდაცვის ძალები გაიყვანა, თუმცა ამჟამად ქვეყნის თავდაცვის ძალები ხუთ პოზიციაზე რჩებიან. ინფორმაციას ამის შესახებ გამოცემა Times of Israel-ი ლიბანურ უსაფრთხოების სამსახურებში წყაროებზე დაყრდნობით ავრცელებს.
მედიის ცნობით, ლიბანურ დაჯგუფება „ჰეზბოლასთან“ მიმდინარე ცეცხლის შეწყვეტა ისრაელის ჯარების 18 თებერვლამდე გაყვანას ითვალისწინებს. სამხრეთ ლიბანში მხოლოდ ლიბანის არმია უნდა დარჩეს და „ჰეზბოლას“ დანაყოფები ტერიტორიიდან გავიდნენ.
როგორც ლიბანურმა წყარომ განაცხადა, ისრაელის არმია გავიდა ყველა სასაზღვრო სოფლიდან, ხუთი პუნქტის გარდა. ამის პარალელურად, თანდათან ადგილზე ხდება ლიბანის სამხედრო შენაერთების განთავსება.
ლიბანური ტელეკომპანიის, LBCI-ს ცნობით, ღამით ლიბანის არმია შევიდა ძირითად სასაზღვრო დასახლებულ პუნქტებში. ადგილობრივი ხელისუფლება იძულებით გადაადგილებულ პირებს მოუწოდებს, დაელოდონ ლიბანის ძალების განთავსების დასრულებას, რათა უზრუნველყოფილი იყოს მათი უსაფრთხო დაბრუნება სახლებში.
მანამდე ისრაელის ხელისუფლებამ განაცხადა, რომ შეასრულებს ცეცხლი შეწყვეტის შეთანხმების პირობებს, რაც სამხრეთ ლიბანიდან ძალების 18 თებერვალს გაყვანას ითვალისწინებს. თუმცა ისრაელის სტრატეგიულ საქმეთა მინისტრმა, რონ დერმერმა მანამდე აღნიშნა, რომ ისრაელის თავდაცვის ძალები დარჩება ლიბანის სამხრეთში ხუთ სტრატეგიულ ადგილას.
