SheniAmbebi.ge | ირაკლი კობახიძე: საქართველოს სამოციქულო მართლმადიდებელი ეკლესიის ავტოკეფალიის აღდგენის ისტორიულ დღეს აღვნიშნავთ, ჩვენი სულიერი და ეროვნული იდენტობის მყარი საფუძველი – ყველაზე ნათლად მოწმობს ილია მეორის ეპოქალურ მემკვიდრეობას

ირაკლი კობახიძე: საქართველოს სამოციქულო მართლმადიდებელი ეკლესიის ავტოკეფალიის აღდგენის ისტორიულ დღეს აღვნიშნავთ, ჩვენი სულიერი და ეროვნული იდენტობის მყარი საფუძველი – ყველაზე ნათლად მოწმობს ილია მეორის ეპოქალურ მემკვიდრეობას

ბოლო განახლება: 25 მარტი 2026 11:01 am

ავტორი

SheniAmbebi.ge

1 წუთიანი წაკითხვა

დღეს საქართველოს სამოციქულო მართლმადიდებელი ეკლესიის ავტოკეფალიის აღდგენის ისტორიულ დღეს აღვნიშნავთ, – ამის შესახებ საქართველოს პრემიერ-მინისტრის ირაკლი კობახიძის განცხადებაშია აღნიშნული.

მთავრობის მეთაურის თქმით, სრულიად საქართველოს კათოლიკოს-პატრიარქის უამრავ ღვაწლს შორის ერთ-ერთი უმთავრესი სწორედ დედაეკლესიის უძველესი ავტოკეფალიის მსოფლიო დონეზე აღიარებაა.

„წელს ეს საზეიმო თარიღი ეროვნული მწუხარებითაა დაჩრდილული – გამოვეთხოვეთ ერის სულიერ წინამძღოლს, სრულიად საქართველოს კათოლიკოს-პატრიარქ ილია II-ს, რომლის უამრავ ღვაწლს შორის ერთ-ერთი უმთავრესი სწორედ დედაეკლესიის უძველესი ავტოკეფალიის მსოფლიო დონეზე აღიარებაა.

Sheni Network

1917 წლის 25 მარტს ავტოკეფალიის გამოცხადებით ქართველმა ერმა ისტორიული სამართლიანობა აღადგინა. თუმცა, სრულყოფილ და საბოლოო გამარჯვებამდე სწორედ პატრიარქის უდიდესმა ძალისხმევამ მიგვიყვანა.

1990 წელს, მისი დაუღალავი შრომისა და უმაღლესი საერთაშორისო ავტორიტეტის შედეგად, მსოფლიო საპატრიარქომ ოფიციალურად ცნო ჩვენი ეკლესიის ისტორიული ავტოკეფალია და საპატრიარქო ტიტული. ეს იყო გადამწყვეტი ნაბიჯი არა მხოლოდ ეკლესიის გაძლიერების, არამედ ქართული სახელმწიფოს სუვერენიტეტის განმტკიცების საქმეში.

დღეს, მისი უწმინდესობის გარდაცვალებიდან მე-9 დღეს, როდესაც მთელი ქვეყანა გლოვობს, ეს ფასდაუდებელი მონაპოვარი – ჩვენი სულიერი და ეროვნული იდენტობის მყარი საფუძველი – ყველაზე ნათლად მოწმობს ილია მეორის ეპოქალურ მემკვიდრეობას.

გილოცავთ ამ ისტორიულ დღეს. ჩვენი ვალია, გავუფრთხილდეთ პატრიარქის დატოვებულ ერთობას და მისი ხსოვნისადმი უდიდესი პატივისცემით, ღირსეულად გავაგრძელოთ მისი გზა“, – აღნიშნავს ირაკლი კობახიძე.

ამ სტატიის ციტირება (Vancouver)

SheniAmbebi.ge. ირაკლი კობახიძე: საქართველოს სამოციქულო მართლმადიდებელი ეკლესიის ავტოკეფალიის აღდგენის ისტორიულ დღეს აღვნიშნავთ, ჩვენი სულიერი და ეროვნული იდენტობის მყარი საფუძველი – ყველაზე ნათლად მოწმობს ილია მეორის ეპოქალურ მემკვიდრეობას [Internet]. თბილისი: Sheniekimi/ambebi.ge; 2026 [ციტირებულია: 2026 სექ 6]. ხელმისაწვდომია: https://sheniekimi.ge/ambebi/%e1%83%98%e1%83%a0%e1%83%90%e1%83%99%e1%83%9a%e1%83%98-%e1%83%99%e1%83%9d%e1%83%91%e1%83%90%e1%83%ae%e1%83%98%e1%83%ab%e1%83%94-%e1%83%a1%e1%83%90%e1%83%a5%e1%83%90%e1%83%a0%e1%83%97%e1%83%95-3/

sheniekimi.ge/ambebi

ირაკლი კობახიძე: საქართველოსა და საფრანგეთში ფასები რომ შევადაროთ, საქართველოში კონკრეტული მარკის მზესუმზირას ზეთი 34%-ით, მაკარონი 97%-ით, ბრინჯი 180%-ით, კარაქი 30%-ით, ყველი 42%-ით, ხოლო შოკოლადი 47%-ით ძვირია