„იამაყე იმით, ვინც ხარ, რადგან ნამდვილი ფასეულობა ადამიანობაშია“ – ინგა თოფურიას ემოციური წერილი შვილს

UFC-ის ორმაგმა ჩემპიონმა ილია თოფურიამ დაბადების დღე აღნიშნა — სპორტსმენს 29 წელი შეუსრულდა. ამ დღესთან დაკავშირებით მისმა დედამ, ინგა თოფურიამ, სოციალურ ქსელში საზეიმო წერილი გამოაქვეყნა.

„დაბადების დღეს გილოცავ, ილია, დე. დღეს შენს ცხოვრებას კიდევ ერთი მნიშვნელოვანი წელი ემატება – 29 წელი სიძლიერის, შრომის და ზრდის,“ — მიმართავს იგი ვაჟს.

ინგა თოფურია აღნიშნავს, რომ ილია არის კარგი შვილი, მზრუნველი ძმა, მოსიყვარულე მამა და ერთგული მეგობარი, რომლის გვერდით ყოფნა სიმშვიდისა და ნდობის განცდას იძლევა.

დედის სიტყვებით, შვილის შრომისმოყვარეობა და მიზანდასახულობა მაგალითია იმისა, რომ ღირსეულ გზას აუცილებლად მოაქვს შედეგი — ილია არასდროს უშინდება სირთულეებს და მუდამ ჩუმად, მაგრამ მტკიცედ მიდის წინ.

- Advertisement -

ინგა თოფურია შვილს უსურვებს ჯანმრთელობას, სულიერ სიმშვიდესა და ძალას, რათა ყველა მიზანს კეთილი გულითა და სუფთა სინდისით მიაღწიოს. მისი სურვილია, ილიას გზა ნათელი იყოს, გული — სიყვარულით სავსე, ხოლო ცხოვრება — შინაარსიანი.

„იამაყე იმით, ვინც ხარ, რადგან ნამდვილი ფასეულობა ადამიანობაშია,“ — წერს დედა და წერილს ასრულებს სიტყვებით: „გილოცავ დაბადების დღეს, ჩემო საამაყო შვილო. ღმერთმა მუდამ დაგლოცოს და დაგიფაროს.“

წყარო: sheniganatleba.ge