თუ მოსკოვი უკრაინაში ცეცხლის შეწყვეტას არ დათანხმდება, დონალდ ტრამპი მზადაა რუსეთს ეკონომიკური სანქციები დაუწესოს

აშშ-ის პრეზიდენტმა დონალდ ტრამპმა განაცხადა, რომ ის მზადაა რუსეთს ეკონომიკური სანქციები დაუწესოს, თუ მოსკოვი უკრაინაში ცეცხლის შეწყვეტას არ დათანხმდება.

თეთრი სახლის ლიდერმა მთავრობის სხდომაზე აღნიშნა, რომ თუ ოფიციალური მოსკოვი სამშვიდობო შეთანხმებაზე უარს იტყვის, შეერთებული შტატები რუსეთს ეკონომიკურ ომს გამოუცხადებს.

„მინდა, რომ ეს შეთანხმება შედგეს. იმის გაკეთება თუ მომიწევს, რაც მხედველობაში მაქვს, ეს ძალიან, ძალიან სერიოზულია. მხედველობაში მაქვს ეკონომიკური სანქციები და არა მსოფლიო ომში ჩართვა. მე ვსაუბრობ ეკონომიკურ ომზე. ეკონომიკური ომი ცუდი იქნება რუსეთისთვის. მე ეს არ მინდა“, – თქვა ტრამპმა.