თურქეთის ქალაქ ბალიკესირში მდებარე ასაფეთქებელი ნივთიერებების საწარმოში აფეთქება მოხდა, რის შედეგადაც 12 ადამიანი დაიღუპა. ინფორმაციას თურქული მედია ავრცელებს.
მედიის თანახმად, აფეთქების შედეგად არიან აგრეთვე დაშავებულებიც. თურქეთის შინაგან საქმეთა მინისტრის ალი ერლიკაიას განცხადებით, სულ მცირე ოთხი ადამიანია დაშავებული.
მომხდარს გამოეხმაურა აგრეთვე თურქეთის იუსტიციის მინისტრი ილმაზ თუნჩი, რომელმაც აღნიშნა, რომ გენერალურმა პროკურატურამ უკვე დაიწყო საქმის გამოძიება.
მომხდარის დეტალები უცნობია.
