შინაგან საქმეთა სამინისტროს ინფორმაციით, თბილისში ნარკოდანაშაულის ბრალდებით 4 პირი დააკავეს. გლდანი-ნაძალადევის, დიდუბე-ჩუღურეთის, ისანი-სამგორის და ვაკე-საბურთალოს პოლიციის სამმართველოების მიერ, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად დააკავეს ბრალდებულები.
უწყების ცნობით, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის, გასაღების, გასაღების მცდელობისა და მომზადების ბრალდებით დაკავებული არიან:
- 1984 წელს დაბადებული ს.კ.
- 1973 წელს დაბადებული კ.ხ. — წარსულში ნასამართლევი და პირობითი მსჯავრის ქვეშ მყოფი
- 1992 წელს დაბადებული რ.ა. — წარსულში ნასამართლევი
- 1990 წელს დაბადებული დ.ს. — წარსულში ნასამართლევი
სამართალდამცველებმა ბრალდებულების პირადი და ავტომანქანის ჩხრეკისას, ასევე საგამოძიებო ექსპერიმენტის ფარგლებში, ნივთმტკიცებად ამოიღეს:
- ალფა-პვპ
- მეთადონი
- ბუპრენორფინი
ბრალდებულთა მიმართ გამოძიება მიმდინარეობს საქართველოს სისხლის სამართლის კოდექსის 260-ე მუხლის რამდენიმე ნაწილის ფარგლებში, რაც სასჯელის სახით 20 წლამდე ან უვადო თავისუფლების აღკვეთას ითვალისწინებს.
#drpkhakadze #გიორგიფხაკაძე #davidiani#sheniambebi #აქხარისხია
