თბილისში ბინები გაძვირდა – როგორია ფასები უბნების მიხედვით

თბილისში საცხოვრებელი უძრავი ქონების გაყიდვები გაიზარდა. კერძოდ, „გალთ ენდ თაგარტის“ პუბლიკაციის თანახმად, მიმდინარე წლის აპრილში 3 252 ბინა გაიყიდა, გასული წლის იმავე პერიოდში კი გაყიდული ბინების რაოდენობამ 3 222 შეადგინა.

კვლევის მიხედვით, საცხოვრებელი ბინების გაყიდვები გაიზარდა პირველად ბაზრებზე (1 693), ხოლო მეორად ბაზრებზე შემცირდა (1 559). ეს კი მაშინ, რომ გასული წლის აპრილში თბილისში პირველად ბაზარზე 1 446 ბინა გაიყიდა, მეორად ბაზრებზე კი 1776.

აღსანიშნავია ისიც, რომ გაყიდვებთან ერთად, გაზრდილია ფასიც. კერძოდ, 1 კვ.მ-ის საშუალო შეწონილი გასაყიდი ფასი 1 332 დოლარი იყო, ხოლო 2024 წლის აპრილში 1 278 დოლარი.

• მთაწმინდა – 2900 დოლარი;
• ვაკე – 2 544 დოლარი;
• ჩუღურეთი – 1 766 დოლარი;
• საბურთალო – 1558 დოლარი;
• კრწანისი – 1 499 დოლარი;
• ისანი – 1393 დოლარი;
• დიდუბე – 1 359 დოლარი;
• ნაძალადევი – 1 169 დოლარი;
• სამგორი – 1 070 დოლარი;
• დიდი დიღომი – 1 051 დოლარი;
• გლდანი – 1 035 დოლარი;
• ვაშლიჯვარი – 1 034 დოლარი.