ქობულეთის შემოვლით გზაზე, უმძიმეს ავარიაში დაღუპული 4 ახალგაზრდის ვინაობა ცნობილია. ავტოსაგზაო შემთხვევას ლაშა ქირია, თაკო შულაია, ლიზი გერგედავა და მარიამ დოხნაძე ემსხვერპლნენ. დაშავდა მეორე მანქანაში მყოფი სამი ადამიანი, რომლებიც ქობულეთის კლინიკებში გადაიყვანეს.
ახალგაზრდები ზუგდიდიდან იყვნენ. ზუგდიდში გლოვის დღეებია.
,,ზუგდიდო შენთან ერთად ვტირით…” ,,სიცოცხლით სავსე ბავშვები დავკარგეთ…” ,,ჩვენი მარგალიტები”, „როგორ დავიჯეროთ“ -წერენ კომენტარებში.
ქობულეთის შემოვლით გზაზე ავტოსაგზაო შემთხვევა 20 აგვისტოს მოხდა.
ავარიის შედეგად ორივე მანქანას ცეცხლი გაუჩნდა. მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
