თბილისის მერია სოციალურად დაუცველი მოსახლეობისათვის კომუნალური გადასახადების სუბსიდირების პროგრამას 2025 წელსაც გააგრძელებს. ამის შესახებ ინფორმაცია თბილისის მერიის ვებგვერდზე გადავამოწმეთ, სადაც 2025 წლის სოციალური პროგრამები უკვე გამოქვეყნებულია.
კომუნალური გადასახადების სუბსიდირების პროგრამა ქალაქ თბილისში რეგისტრირებული სოციალურად დაუცველი ოჯახებისთვის იანვარში, თებერვალში, მარტში, ნოემბერსა და დეკემბერში დარიცხული ელექტროენერგიის, დასუფთავებისა და წყლის გადასახადის სუბსიდირებას ითვალისწინებს.
სუბსიდიით ისარგებლებენ წინა თვის 20 რიცხვის მდგომარეობით სოციალურად დაუცველი ოჯახების მონაცემთა ერთან ბაზაში ქ. თბილისში რეგისტრირებული ოჯახები, რომელთა სარეიტინგო ქულა არ აღემატება 200 000-ს და ოჯახის დეკლარაციაში მითითებული აქვთ საყოფაცხოვრებო სექტორის ელექტროენერგიის/დასუფთავების/წყლის აბონენტის ნომერი.
სოციალურად დაუცველი ოჯახებისთვის, რომელთა სარეიტინგო ქულა არ აღემატება 70 000-ს სუბსიდიის ჯამური ოდენობა განსაზღვრულია თვეში არაუმეტეს 106 ლარით, ხოლო სოციალურად დაუცველი ოჯახებისთვის, რომელთა სარეიტინგო ქულა 70 000-ზე მეტია და 200 000-ს არ აღემატება, სუბსიდიის ჯამური ოდენობა განსაზღვრულია თვეში არაუმეტეს 20 ლარით, დარიცხული გადასახადების მიხედვით, შემდეგი გამოთვლის მეთოდითა და პრიორიტეტებით:
ა) დასუფთავების მოსაკრებელზე:
- ა.ა) აბონენტის ნომერზე, რომელზეც რეგისტრირებულია ერთი პირი 2,5 ლარის ოდენობით;
- ა.ბ) აბონენტის ნომერზე, რომელზეც რეგისტრირებულია ორი პირი 5 ლარის ოდენობით;
- ა.გ) აბონენტის ნომერზე, რომელზეც რეგისტრირებულია სამი პირი 7,5 ლარის ოდენობით;
- ა.დ) აბონენტის ნომერზე, რომელზეც რეგისტრირებულია ოთხი და მეტი პირი 10 ლარის ოდენობით;
ბ) წყლის გადასახადზე 4,52 ლარის ოდენობით;
გ) ელექტროენერგიაზე, აბონენტის მიერ, ფაქტიურად მოხმარებული ელექტროენერგიის რაოდენობის მიხედვით ხარჯის შესაბამისად.
კომუნალური სუბსიდია კომუნალური გადასახადის ერთიანი გადახდის ქვითარზე , სსიპ სოციალური მომსახურების სააგენტოდან მოწოდებული ბაზის საფუძველზე აისახება და განცხადებით მიმართვა საჭირო არ არის.
დამატებითი ინფორმაციისათვის შეგიძლია, თბილისის მერიის ცხელ ხაზზე დარეკოთ: 272 22 22
ვრცლად ინფორმაცია შეგიძლიათ, ნახოთ ბმულზე
