გუშინ ცნობილი გახდა, რომ მრავალბინიანი საცხოვრებელი სახლის ბინაში, სამზე მეტი შინაური ბინადარი ცხოველის (ძაღლი, კატა) ყოლა ბინათმესაკუთრეთა უმრავლესობის თანხმობის საფუძველზე იქნება დასაშვები.
შეზღუდვას “შინაურ ბინადარ ცხოველთა შესახებ“ კანონპროექტი ითვალისწინებს, რომელიც პარლამენტში დაინიცირდა. კანონპროექტით, სამზე მეტი, ორი თვის ან მეტი ასაკის შინაური ბინადარი ცხოველის (ძაღლი, კატა) ყოლა ბინათმესაკუთრეთა ამხანაგობის უმრავლესობის თანხმობის გარეშე გამოიწვევს მეპატრონის დაჯარიმებას 300 ლარის ოდენობით.
აღნიშნულ სიახლეს დიდი გამოხმაურება მოჰყვა, იყო მწვავე და სახალისო კომენტარებიც. ერთ-ერთია სოციალურ ქსელში გამოქვეყნებული დავით როგავას ფოტო მინაწერით: „ვაცნობ მეზობლების თანხმობის პირობებს და მოქცევის წესს“. ფოტოზე მამაკაცი ძაღლების ჯგუფი ჰყავს შემოკრებილი, თვითონ კი კანონპროექტს კითხულობს.
