ეუფე შიო: „გა­ფარ­თო­ე­ბუ­ლი სა­ეკ­ლე­სიო კრე­ბა, სა­დაც ახა­ლი კა­თო­ლი­კოს-პატ­რი­არ­ქის გა­მორ­ჩე­ვა უნდა მოხ­დეს, მომ­დევ­ნო კვი­რა­ში გა­ი­მარ­თე­ბა“

საპატრიარქოს ტახტის მოსაყდრის, სენაკისა და ჩხოროწყუს მიტროპოლიტ შიოს განცხადებით, მომდევნო კვირაში გაფართოებული საეკლესიო კრება გაიმართება, რომლის ფარგლებშიც ახალი კათოლიკოს-პატრიარქის არჩევის პროცესი უნდა წარიმართოს.

მეუფე შიომ ამის შესახებ გიორგობის დღესასწაულთან დაკავშირებით ჩატარებული წირვის დასრულების შემდეგ ისაუბრა. მისი თქმით, მომავალი კვირა საქართველოს ეკლესიისთვის განსაკუთრებული მნიშვნელობის იქნება და სასულიერო პირებსა და მრევლს ლოცვის გაძლიერებისკენ მოუწოდა.

როგორც მან აღნიშნა, მნიშვნელოვანია, რომ კრება მშვიდ, ღირსეულ და ერთიან გარემოში ჩატარდეს, რათა მიღებული გადაწყვეტილება ეკლესიისა და ქვეყნის ინტერესებს ემსახურებოდეს. მისივე თქმით, სასურველია, პროცესი სიყვარულისა და ურთიერთპატივისცემის ატმოსფეროში წარიმართოს და ღვთის ნებით დასრულდეს.

მიტროპოლიტმა ქადაგებისას წმინდა გიორგის შეწევნაც ითხოვა და აღნიშნა, რომ ეკლესიისთვის მიმდინარე პერიოდი განსაკუთრებულ სულიერ პასუხისმგებლობასთან არის დაკავშირებული.