55 წლის ასაკში გარდაცვლილ აშშ-ში მცხოვრებ მუსიკოსს, პიანისტსა და კომპოზიტორ ლევან შენგელიას მეგობრები ემშვიდობებიან.
ლევან შენგელიას სოციალურ ქსელში ემოციურ სტატუსს უძღვნის ცნობილი პოეტი ზურა სალუქვაძე და აქვეყნებს ვიდეოს, რომელშიც ზურა ლევან შენგელიას აკომპანემენტის თანხლებით, ლექსს კითხულობს:
„ხომ არიან ადამიანები, რომლებიც მოვლენ შენს ცხოვრებაში და არც კი შეგეკითხებიან, ისე მოკალათდებიან შენს გულში გემრიელად… ასეთი ადამიანები იმაზე ბევრად ადრე გვიყვარებენ, ვიდრე ჩვენ ვაანალიზებთ, რომ ამ ადამიანებს მეტ-ნაკლებად კარგად ვიცნობთ… ისინი ჩვენს ცხოვრებაში მისიით მოდიან, რომ ემოციებისგან დაცლილები აგვავსონ, სიყვარულის არანორმალურ დოზად მოგვევლინონ, გაგვათბონ, სიცოცხლის რწმენა დაგვიბრუნონ და დაგვაჯერონ, რომ ამ ემოციებით დაცლილ სამყაროში კვლავ არსებობს რაღაც დიდი და აღმატებული…
ასეთი გვყავდა სამყაროს ლევან შენგელია… ყველაზე დიდი და კეთილი ბავშვი, ვისაც კი ოდესმე შევხვედრივარ, მაესტრო, რომელიც ნოტებით, აკორდებით და სიყვარულით გველაპარაკებოდა…
ეს კი ჩვენი ბოლო შეხვედრა იყო დედამიწაზე.
მიყვარხარ მაესტრო … შეხვედრამდე“, – წერს ზურა სალუქვაძე სოციალურ ქსელში.
მასალის გამოყენების პირობები
