ესპანეთში პომიდვრის ტრადიციული ფესტივალი „ტომატინა“ გაიმართა. ქალაქ ბუნიოლის ცენტრალურ ქუჩაზე, პომიდვრების ომი მოეწყო. ბრძოლა, რომელშიც Reuters-ის ცნობით, დაახლოებით 22 ათასმა ადამიანმა მიიღო მონაწილეობა, ერთ საათს გაგრძელდა და 120 ტონამდე პომიდორი განადგურდა.
.jpeg)
ტრადიცია სათავეს 1945 წლიდან იღებს. ფესტივალი ქალაქის მფარველის, წმინდა ლუის ბერტრანის პატივსაცემად ტარდება. ითვლება, რომ პომიდვრებით პირველი ბრძოლა ასეთ ფესტივალზე, მეგობრებს შორის ჩხუბის დროს მოხდა. ფრანკოს მმართველობის პერიოდში ფესტივალის ჩატარება აიკრძალა, თუმცა 80-იანი წლებიდან განახლდა და დღემდე დიდი პოპულარობით სარგებლობს.
