შეფასებისა და გამოცდების ეროვნული ცენტრის დირექტორმა თამარ მემანიშვილმა „იმედის დღეში“ 2026 წლის ერთიანი ეროვნული გამოცდების ჩატარების წესში ცვლილებაზე, რეგისტრაციის ვადებსა და პროგრამების არჩევის წესზე ისაუბრა.
შეფასებისა და გამოცდების ეროვნული ცენტრი ერთიან ეროვნულ გამოცდებზე რეგისტრაციას 2026 წლის აპრილის დასაწყისში გახსნის, რომელიც 1 თვის მანძილზე გაგრძელდება.
რეგისტრაციის ვადების ცვლილების მიუხედავად, ერთიანი ეროვნული გამოცდების ჩატარების საერთო კალენდარი უცვლელი რჩება და გამოცდები ივლისის თვეში ჩატარდება.
შეფასებისა და გამოცდების ეროვნული ცენტრი რეგისტრაციის დაწყებამდე ცნობარს ოფიციალურ ვებგვერდზე გამოაქვეყნებს, რომელშიც მოცემული იქნება, როგორც კერძო, ასევე სახელმწიფო უმაღლესი დაწესებულების, ასევე პროფესიული საგანმანათლებლო პროგრამების და განსაზღვრული ადგილების რაოდენობის შესახებ ინფორმაცია.
ცვლილებების მიხედვით, აბიტურიენტებს შეუძლიათ, როგორც სახელმწიფო, ისე კერძო უნივერსიტეტების საბაკალავრო პროგრამები აირჩიონ, ასევე, მათ, წელს პირველად, პროფესიული პროგრამების არჩევის შესაძლებლობაც მიეცემათ.
უმაღლესი განათლების სისტემის რეფორმის ფარგლებში, სახელმწიფო უმაღლეს საგანმანათლებლო დაწესებულებებში უმაღლესი განათლების I და II საფეხურებზე, ასევე, სახელმწიფო პროფესიულ კოლეჯებში სწავლა სრულად ფინანსდება სახელმწიფოს მიერ.
აბიტურიენტებს შესაძლებლობა ექნებათ საბაკალავრო და პროფესიული საგანმანათლებლო პროგრამები შეუზღუდავი რაოდენობით აირჩიონ.
📌 ამ სტატიის ციტირება (Vancouver)
SheniAmbebi.ge. ერთიანი ეროვნული გამოცდები 2026 – რეგისტრაციის თარიღი ცნობილია – გადაიწევს თუ არა გამოცდების დაწყების თარიღი [Internet]. თბილისი: Sheniekimi.ge; 2026 [ციტირებულია: 2026 აგვ 26]. ხელმისაწვდომია: https://sheniekimi.ge/ambebi/%e1%83%94%e1%83%a0%e1%83%97%e1%83%98%e1%83%90%e1%83%9c%e1%83%98-%e1%83%94%e1%83%a0%e1%83%9d%e1%83%95%e1%83%9c%e1%83%a3%e1%83%9a%e1%83%98-%e1%83%92%e1%83%90%e1%83%9b%e1%83%9d%e1%83%aa%e1%83%93-5/
sheniekimi.ge
