კლეოპატრა, კეტრინ ჰოლი, ქერონ პრინგლი… ელიზაბეთ ტეილორს მრავალი როლით ვიცნობთ, თუმცა მისი რეალური ცხოვრებაც კინემატოგრაფიულ შედევრს მოგაგონებთ. ძველი ჰოლივუდის უკანასკნელ კაშკაშა ვარსკვლავს დრამატული სასიყვარულო ისტორიები მთელი ცხოვრების განმავლობაში გამოარჩევდა სხვა ცნობილი ადამიანებისგან, რის გამოც ხშირად ეხვეოდა ტაბლოიდებისა და პაპარაცების კრიტიკის ქარცეცხლში. ამ სტატიაში ელიზაბეტ ტეილორის 10 საქმროზე გიამბობთ და მის მომაჯადოებელ ნიშნობის ბეჭდებსაც გაჩვენებთ:
1. უილიამ პოული უმცროსი
ელიზაბეთ ტეილორი და უილიამ პოული უმცროსი
აშშ-ს არმიის პილოტი, უილიამ პოული უმცროსი ელიზაბეთ ტეილორის პირველი საქმრო იყო. მან ახალგაზრდა ტეილორს ცოლობა 1949 წელს სთხოვა, მაშინ, როცა მომავალი მსახიობი მხოლოდ 17 წლის იყო. პოულიმ ტეილორი ბალიშის ფორმის თეთრი ბრილიანტის ბეჭდით დანიშნა, რომელიც ქალის საქორწინო სამკაულთა კოლექციის პირველი ექსპონატი გახდა.
მიუხედავად იმისა, რომ ტეილორმა ამ რომანს მისი “პირველი ზრდასრული სიყვარული” უწოდა, საბოლოოდ პოულიზე არ დაქორწინდა, რადგან გული ჰოლივუდისკენ მიუსწრაფოდა და დაოჯახება ამ ასაკში მის გეგმებში არ შედიოდა.
ფოტო: Ouros Jewels
ელიზაბეთ ტეილორი და კონრად ჰილტონი
ფოტო: People
კონრად ჰილტონი ელიზაბეთ ტეილორის პირველი ქმარი იყო. ჰილტონების სასტუმროების ქსელის 24 წლის მემკვიდრემ მსახიობს ცოლობა 1950 წელს, ოთხკარატიანი პლატინის ბრილიანტის ბეჭდით სთხოვა. ქორწილი Metro Goldwyin Mayer-ის ორგანიზებით ჩატარდა და 18 წლის ელიზაბეთი ბევერლი ჰილზის ეკლესიაში დაქორწინდა. წყვილი რვა თვეში განქორწინდა, რადგან ჰილტონი ტეილორზე ფიზიკურად ძალადობდა და ალკოჰოლიზმის პრობლემა ჰქონდა.
ფოტო: Ouros Jewels
3. მაიკლ უაილდინგი
ფოტო: Getty Images
1952 წლის თებერვალში ელიზაბეთ ტეილორი ბრიტანელ მსახიობზე, მაიკლ უაილდინგზე დაქორწინდა. მასზე ოცი წლით უფროსმა უაილდინგმა ტეილორს ხელი საფირონისა და ბრილიანტის მსხვილი ბეჭდით სთხოვა. წყვილს თანაცხოვრებისას ორი ვაჟი, მაიკლ ჰოვარდი და კრისტოფერ ედვარდი შეეძინა და 1957 წელს განქორწინდნენ.
ფოტო: Getty Images
ფოტო: Ouros Jewels
4. მაიკ ტოდი
ელიზაბეთ ტეილორი და მაიკ ტოდი
ფოტო: Wikimedia
ტეილორის ყველაზე ცნობილი ქმარი რიჩარდ ბარტონია, თუმცა მისი მემუარებიდან ვიგებთ, რომ მისი ცხოვრების მთავარი სიყვარული სწორედ მაიკ ტოდი იყო. მათი ისტორია მაშინ დასრულდა, როცა ტოდის პირადი თვითმფრინავი, The Liz (რომელსაც სახელიც ტეილორის პატივსაცემად დაარქვა), ავარიულად ჩამოვარდა 1958 წლის 22 მარტს, მათი ქორწინებიდან 1 წლის გასვლის შემდეგ. ნახეთ სრულად
