დღის ამბები პოზიტივზე
დღის ამბები -მსოფლიო ტურიზმის დღის ღონისძიების ფარგლებში ტურიზმის ეროვნული ადმინისტრაცია გავლენიანი უცხოური მედიასაშუალებების ჯგუფებს მასპინძლობს.
ტურიზმის ეროვნული ადმინისტრაციის ინფორმაციით, საქართველოში წამყვანი მსოფლიო მედიის წარმომადგენლები, ჟურნალისტები, ოპერატორები და ფოტოგრაფები იმყოფებიან.
მათივე ცნობით, ისინი მსოფლიო ტურიზმის დღის ღონისძიებას აშუქებენ და საქართველოს ტურისტული პოტენციალის შესახებ სიუჟეტებს, სტატიებსა და ბლოგებს ამზადებენ, რომელსაც მთელ მსოფლიოში მილიონობით მაყურებელი, მკითხველი და ონლაინ მომხმარებელი გაეცნობა.
….
300-მდე მონაწილე გააერთიანა ქალთა ეკონომიკურმა ფორუმმა, რომელიც 24 სექტემბერს ბიზნესფედერაციამ გამართა. “ქალები ბიზნესში” ამ სახელწოდების ღონისძიებაზე ისეთი საკითხები განიხილეს, როგორებიცაა ფინანსებზე ხელმისაწვდომობის პრობლემა ბიზნესით დაინტერესებული ქალებისთვის საქართველოში, ასევე შესაძლებლობები, რომლებსაც ქალებს ამ კუთხით საერთაშორისო, საჯარო თუ კერძო სექტორი სთავაზობს.
სხვადასხვა მიზეზის გამო მილიონამდე შრომისუნარიანი ქალი საქართველოში დღეს ეკონომიკაში ჩართული საერთოდ არ არის, მეორე ნაწილი კი, ვინც ბიზნესით არის დაინტერესებული, არაერთ გამოწვევას აწყდება, მათ შორის ერთერთი მნიშვნელოვანი ფინანსებზე ხელმისაწვდომობაა სწორედ ამ თემებზე გააკეთეს აქცენტი პანელური სესიების დროს, რომელსაც “ქალები მომავლისთვის” სამეთვალყურეო საბჭოს თავმჯდომარე ნინა კობახიძე და ბორდის წევრი ქეთევან ქვარცხავა უძღვებოდნენ.
….
საქართველოში ჩინური კორპორაცია საქართველო-აზერბაიჯანი-ყაზახეთის ერთობლივ საწარმოში შესვლისთვის ემზადება
საქართველო-აზერბაიჯანი-ყაზახეთის ერთობლივ საწარმოში შესვლის სურვილი ჩინურმა მხარემ ჯერ კიდევ 2024 წლის ივლისში გამოთქვა. სექტემბერში კი მზაობა კიდევ ერთხელ დაადასტურა.
აღსანიშნავია, რომ საქართველოს, აზერბაიჯანის და ყაზახეთის რკინიგზებმა ერთობლივი საწარმო 2023 წლის ოქტომბერში დააფუძნეს. აღნიშნული საწარმო შეიქმნა ერთი ფანჯრის პრინციპით, რაც გულისხმობს შუა დერეფანში ტვირთების კოორდინაციას, ამ მარშრუტის პოპულარიზაციას, ტარიფების გამჭვირვალობას, სტაბილური სისტემის შექმნას და ქვეყნებს შორის ტრანსპორტისა და ლოჯისტიკის სფეროში თანამშრომლობის გაღრმავებას.
დღის ამბები ჰოროსკოპი და გემოვნებიანი მუსიკა მოისმინეთ რადიო „პოზიტივზე“ 104.3 Fm
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
