„გაწირეს ვიღაც ხალხი, არანაირი რესურსი და გეგმა არ გაგაჩნია – არაფერში წერია“ – ალექსანდრე რაქვიაშვილი

“რევოლუციას სჭირდება ადამიანები, როცა მოედანზე გამოდიხარ და ხედავ, რომ არასაკმარისი რაოდენობაა, ერთადერთი სწორი გამოსავალია თქვა, რომ არ გამომივიდა, ბოდიში და დავიშალეთ. ეს იყო, რაც უნდა ეთქვა პაატა ბურჭულაძეს გუშინ”, – ამის შესახებ “გირჩის” სათათბიროს წევრმა, ალექსანდრე რაქვიაშვილმა განაცხადა, რითაც საპრეზიდენტო რეზიდენციასთან განვითარებულ მოვლენებს გამოეხმაურა.

“რაც გააკეთეს, ეს შეცდომაც არ არის, მე მგონია, უბრალოდ გაწირეს ვიღაც ხალხი. არაფერში არ წერია, რომ შევარდე პრეზიდენტის სასახლეში, რაღაცები დაანგრიო, მაშინ, როცა არანაირი რესურსი და გეგმა არ გაგაჩნია”, – აღნიშნა ალექსანდრე რაქვიაშვილმა.