გარდაბანში, ბიზნესმენს მანქანა აუფეთქეს. შემთხვევა ღამის 4 საათზე მოხდა.
“ტელეკომპანია პირველი“ ავრცელებს სათვალთვალო კამერის ჩანაწერს,რომელშიც ჩანს, რომ უცნობი პირი ღამის საათებში შედის დაზარალებულის – ალაზირ ირზაევის ეზოში და მის ავტომობილს ცეცხლს უკიდებს. შედეგად, ავტომობილი ფეთქდება.
როგორც ადგილობრივები “ტვ პირველთან“ აცხადებენ, კრიმინალური ავტორიტეტის წარმომადგენლები სოფელ მუღანლოში უკვე რამდენიმე წელია რეკეტს ახორციელებენ, მოსახლეობისგან ითხოვენ ფულს.
