მარტში თბილისში 3,064 საცხოვრებელი ბინა გაიყიდა, რაც გასულ წელთან შედარებით ტრანზაქციების 1.5%-იან შემცირებას ნიშნავს. ამის შესახებ Colliers Georgia-ს მიერ გამოქვეყნებულ საცხოვრებელი უძრავი ქონების ბაზრის მიმოხილვაშია საუბარი.
მიუხედავად მცირე კლებისა, ბაზრის საერთო მოცულობა მაინც გაიზარდა და 243 მილიონ აშშ დოლარს მიაღწია, რაც წლიურ ჭრილში 16.7%-იანი ზრდაა. როგორც მიმოხილვაშია აღნიშნული, ბაზრის ზრდას ახალაშენებულ ბინებზე მოთხოვნის მატება განაპირობებს, მაშინ როცა ძველ პროექტებში კლების ტენდენცია გაგრძელდა — წლიურად ტრანზაქციების მაჩვენებელი ამ სეგმენტში 15.5%-ით არის შემცირებული.
ახალ პროექტებში, როგორც პირველადი, ისე მეორეული ბაზრის მიმართულებით, 4.2%-იანი ზრდაა დაფიქსირებული. Colliers-ის მონაცემებით, დეველოპერები ხშირად აგვიანებენ პირველადი გაყიდვების რეგისტრაციას, რაც ართულებს სრული სურათის დანახვას, თუმცა ფასების ზრდის ტენდენცია აშკარაა.
ფასები მარტის მდგომარეობით:
- ძველი ბინები:
- ფართო ცენტრში ფასებმა 11.6%-ით მოიმატა
- გარეუბნებში — 10.2%-ით
- ცენტრში — 0.5%-ით
- ახალაშენებული ბინები:
- ფართო ცენტრში ფასები 27.7%-ით გაიზარდა
- ქალაქის ცენტრში — 21%-ით
- გარეუბანში — 7.3%-ით
- ახალაშენებული ბინების მეორეულ ბაზარზე საშუალო ფასი გაიზარდა 11.6%-ით
Colliers Georgia აღნიშნავს, რომ ფასების ზრდის ერთ-ერთი მთავარი განმაპირობებელი სწორედ პირველადი ბაზარია, თუმცა ამ ბაზრის არაერთგვაროვანი რეგისტრაციის გამო არსებული მაჩვენებლები რეალურ სურათს სრულად არ ასახავს.
#drpkhakadze #გიორგიფხაკაძე #davidiani #sheniambebi #აქხარისხია
