ალბათ, ყველას გახსოვთ ბიჭი კიბით და ტაბლოთი, რომელმაც საქართველო-საბერძნეთის მატჩზე დასწრება ორიგინალური მეთოდით შეძლო. ლევან ყიზილაშვილი გადაცემაში „შენი დილა“ ჰყვება, როგორ გაჩნდა იდეა და როგორ მოახერხა შეპარვა სტადიონზე.
„არსებობდა თეორია, რომ კიბით ყველგან შეიძლება შეხვიდე… სტადიონთან რომ მივედი, დაცვა მეკითხება, ბილეთი გაქვსო? ვუთხარი, რა ბილეთი, სანამ თამაში დაიწყება, უნდა მოვასწრო ტაბლოს გამოცვლა, მალე ხალხი აირევა, ფეხბურთი საერთოდ არ მაინტერესებს, ერთ ბურთს ამდენი კაცი დასდევს-მეთქი. ვეუბნები, ტაბლოზე ერთი წერტილია გამორთული, თუ ეს არ ჩავსვი, ჩვენი ქულა არ დაეწერება. სტადიონზე უპრობლემოდ შევედი. სამი საათი ველოდებოდი თამაშის დაწყებას, მაგრამ ლოდინი ღირდა“, – ამბობს ლევან ყიზილაშვილი.
