საპენსიო ფონდიდან დაგროვებითი პენსიის საერთო აქტივების გატანის 3 ხერხი არსებობს – ამის შესახებ ფონდის ოფიციალურ საიტზეა განმარტებული.
საპენსიო ასაკში პენსია შესაძლებელია გაიცეს:
- პროგრამული გატანის გზით – მონაწილის პენსიაზე გასვლის თარიღისთვის მის ინდივიდუალურ საპენსიო ანგარიშზე აღრიცხული მთლიანი საპენსიო აქტივების ღირებულების სიცოცხლის მოსალოდნელ დარჩენილ ხანგრძლივობაზე გაყოფა და ყოველთვიური პენსიის სახით მიღება;
- ინდივიდუალურ საპენსიო ანგარიშზე აღრიცხული საპენსიო აქტივებით სადაზღვევო ანტუიტეტური პროდუქტის შეძენის გზით – მონაწილის მიერ კერძო საპენსიო სადაზღვევო პროდუქტის შეძენა და სიცოცხლის ბოლომდე პენსიის მიღება;
- მონაწილის პენსიაზე გასვლის თარიღისთვის მის ინდივიდუალურ საპენსიო ანგარიშზე აღრიცხული მთლიანი საპენსიო აქტივების ღირებულების გზით – ასეთი მეთოდით პენსიის გატანა შესაძლებელია, იმ შემთხვევაში, თუ პირი საპენსიო სქემაში საპენსიო ასაკამდე არაუმეტეს 5 წლით ადრე გაწევრიანდა.
შეგახსენებთ, საპენსიო სქემაში გაწევრიანებულ ადამიანთა რაოდენობა 1 604 000-ია. 2025 წლის 31 მარტის მონაცემებით, დაგროვებითი პენსიით 17 942-მა პირმა ისარგებლა, მათზე პენსიის სახით კი 74.9 მლნ ლარი გაიცა.
საპენსიო აქტივების ღირებულება 6.5 მლრდ ლარს შეადგენს, მათ შორის დაგენერირებულმა ამონაგებმა 1.55 მლრდ ლარს გადააჭარბა.
📌 ამ სტატიის ციტირება (Vancouver)
SheniAmbebi.ge. არსებობს 3 ვარიანტი – როგორ და რა სახით შეგვიძლია დაგროვებითი პენსიის გამოტანა [Internet]. თბილისი: Sheniekimi.ge; 2025 [ციტირებულია: 2026 აგვ 26]. ხელმისაწვდომია: https://sheniekimi.ge/ambebi/%e1%83%90%e1%83%a0%e1%83%a1%e1%83%94%e1%83%91%e1%83%9d%e1%83%91%e1%83%a1-3-%e1%83%95%e1%83%90%e1%83%a0%e1%83%98%e1%83%90%e1%83%9c%e1%83%a2%e1%83%98-%e1%83%a0%e1%83%9d%e1%83%92%e1%83%9d%e1%83%a0/
sheniekimi.ge
