ეზოტერიკოსი, მაია ყუფარაძე გადაცემა „დღის პოსტი“ სტუმრობდა, სადაც აღნიშნა, რომ სასიყვარულო მაგიის ფარგლებში ჯადოს გაკეთებაზე მოთხოვნა მაღალია და იქვე დასძენს, რომ მისი კლიენტების უმრავლესობა კაცები არიან.
როგორც ეზოტერიკოსი განმარტავს, ვირის ტვინის მიღება ადამიანს სერიოზულ ზიანს აყენებს.
“წითელი მაგია“ ეწოდება სასიყვარულო ჯადოს…ბოლო ორი თვეა სულ კაცები მოდიან, შველას მთხოვენ. ერთადერთი რასაც არ ვაკეთებ და ყველას ვთხოვ, ეს არის, რომ არავინ არ მიმართოს ამ მეთოდს – არ გამოიყენონ ვირის ტვინი. რადგან ვირის ტვინი ორგანიზმში რომ მოხვდება, შეიჭრება ტვინში და ადამიანის ტვინის ხვეულებს გადაეფარება…ადებილებს ადამიანს.
მაგალითად, თუ მამაკაცს საყვარელი ჰყავს და ცოლი ვირის ტვინს გამოიყენებს იმ მიზნით, რომ საყვარელს ჩამოაშოროს, მან არ იცის, რომ ამ შემთხვევაში ცოლსაც დაკარგავს. ვირის ტვინის შესახებ ინფორმაცია მითი არ არის. ყველა ვირის ტვინი კი არ გამოიყენება – დედალი ვირის ტვინს იყენებენ.
ძირითადად, საცოდავ მამაკაცებს უკეთებენ. კრიჭა ეკვრებათ – მე მინახავს ასეთი ადამიანები, ძლივს ლაპარაკობენ. ამას ვერავინ შველის.
ეს ყველაფერი მამაკაცებზეა მიმართული, და დახსნა არ არსებობს. არსებობს მხოლოდ ერთი სიყვარული ეს არის ღმერთი და იმის იქით, ყველაფერი უკავშირდება შავ მაგიას. სასიყვარულო ჯადო მხოლოდ 7 წელი მოქმედებს“, – ამბობს ეზოტერიკოსი მაია ყუფარაძე.
QR კოდი
სტატიის ციტირება
შენი ამბები. (2024). „არავინ არ მიმართოს ჯადოს ამ მეთოდს – ეზოტერიკოსი ამბობს, რომ ბოლო დროს მისი კლიენტების უმეტესობა კაცები არიან. 1 ოქტომბერი, 2024. https://sheniekimi.ge/ambebi/არავინ-არ-მიმართოს-ჯადო/
