ნიტა რაჭველიშვილი მეუღლის, ოთარ მაისურაძის შესახებ საუბრობს და ხაზს უსვამს, თუ როგორ დაუდგა იგი მისთვის მძიმე პერიოდში გვერდზე:
„ჩემი მეუღლე არის უაღრესად პატრიოტი, ძალიან ჭკვიანი და გულწრფელი ადამიანია, რაც მე ვიტყოდი, არის საოცარი მამა და უტკბილესი მეუღლე. მას ისე შეუძლია გვერდში დგომა… არავინ დამდგომია გვერდით ისე, როგორც ის. ყოველთვის იცის, შინაგანად თავს როგორ ვგრძნობ, იცის, როგორ დამეხმაროს, რაც მთავარია. ჩემი წარმატება, ბოლო 8 წელიწადში, მხოლოდ მას ეძღვნება. იყო მომენტები, როცა ვიღლებოდი, აღარ მინდოდა, არ შემეძლო. ის იყო ძალა, რომელიც ამიყვანდა, მატარებდა, სანამ არ დავისვენებდი და სანამ ბრძოლის სურვილი არ გამიჩნდებოდა… ძალიან გამიმართლა, ვამბობ, რომ იღბლიანი ადამიანი ვარ… საოცარი მუსიკოსია თვითონაც, მსხვერპლად შესწირა ჩემს კარიერას თავისი კარიერა…“
