ახალი წლის წინ ანანასი ტრადიციულად ყველაზე მოთხოვნად ხილად ითვლება, თუმცა წელს მისი შემოტანა საქართველოში უფრო ძვირი დაჯდა. ამის შესახებ მონაცემები სტატისტიკის ეროვნული სამსახურის ანგარიშებიდან ირკვევა.
კერძოდ, 2025 წლის იანვარ–ნოემბრის პერიოდში ქვეყანაში შემოვიდა 1 410 ტონა ანანასი, რომლის საერთო ღირებულებამ 1.507 მილიონი აშშ დოლარი შეადგინა. შედარებისთვის, გასული წლის იმავე პერიოდში საქართველომ 1 429 ტონა ანანასი 1.327 მილიონ დოლარად შეიძინა.
ამ მონაცემებზე დაყრდნობით ჩანს, რომ შარშან ერთი კილოგრამი ანანასის საშუალო საიმპორტო ფასი დაახლოებით 0.90 დოლარი იყო, ხოლო წელს იმავე რაოდენობის პროდუქტში უკვე დაახლოებით 1 დოლარის გადახდა გახდა საჭირო. შესაბამისად, ფასი დაახლოებით 11 პროცენტით გაიზარდა.
სტატისტიკის ეროვნული სამსახურის ინფორმაციით, ანანასის მთავარი მომწოდებელი საქართველოსთვის კვლავ თურქეთია. მიმდინარე წელს ამ ქვეყნიდან შემოტანილია 1 244 ტონა ანანასი, რომლის ღირებულებამ 1.226 მილიონი დოლარი შეადგინა.
რაც შეეხება სხვა ქვეყნებს, მათგან ანანასის იმპორტი საქართველოში მხოლოდ მცირე მოცულობით განხორციელდა.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
