მუმბაიში, ინდოეთის საბაჟოს თანამშრომლებმა განაცხადეს, რომ მათ ტაილანდიდან ჩამოსული თვითმფრინავის მგზავრი გააჩერეს, რომელსაც ცოცხალი გველები გადაჰყავდა, რაც ამ თვეში მესამე შემთხვევაა. ინფორმაციას cbsnews-ი ავრცელებს.
მედიის ცნობით, მამაკაცს 16 ცოცხალი გველი გადაჰყავდა, რომელთა კონფისკაცია მოხდა.
“საბაჟო თანამშრომლებმა… ველური ცხოველების კონტრაბანდის კიდევ ერთი მცდელობა აღკვეთეს, ტაილანდიდან დაბრუნებულ მგზავრს 16 ცოცხალი გველი ჩამოართვეს”, – განაცხადეს საბაჟოს თანამშრომლებმა.
მათი თქმით, დაკავება ინდოეთში, ჩჰატრაპატი შივაჯი მაჰარაჯის საერთაშორისო აეროპორტში მოხდა.
საბაჟო სააგენტოს განცხადების თანახმად, მამაკაცი დაკავებულია და მიმდინარეობს გამოძიება.
QR კოდი
სტატიის ციტირება
შენი ამბები. (2025). აეროპორტში დააკავეს მამაკაცი, რომელსაც ცოცხალი გველები გადაჰყავდა. 30 ივნისი, 2025. https://sheniekimi.ge/ambebi/აეროპორტში-დააკავეს-მამა/
