აბიტურიენტებს საკუთარ სარეგისტრაციო გვერდზე შეუძლიათ ნახონ აპელაციის შედეგები და ასევე გათანაბრებული და სკანირებული ქულები – ნინო წერეთელი

დღეიდან აბიტურიენტებს საკუთარ სარეგისტრაციო გვერდზე შეუძლიათ ნახონ აპელაციის შედეგები და ასევე გათანაბრებული და სკანირებული ქულები, – განაცხადა შეფასებისა და გამოცდების ეროვნული ცენტრის დირექტორმა ნინო წერეთელმა მასწავლებლის გამოცდაზე საუბრისას.

„დღეიდან აბიტურიენტებს საკუთარ სარეგისტრაციო გვერდზე შეუძლიათ ნახონ აპელაციის შედეგები და ასევე გათანაბრებული და სკანირებული ქულები. განსაკუთრებით მნიშვნელოვანია ეს იმ გამოსაცდელებისთვის, რომლებმაც ქულა ზღვართან ახლოს მიიღეს და ვერ გადალახეს ბარიერი, რადგან აპელაციის და გათანაბრების შედეგად, იმდაგვარადაა შესაძლებელი მათი ქულები შეიცვალოს, რომ განაგრძონ მონაწილეობის მიღება კონკურსში. საგანმანათლებლო პროგრამების რეიტინგულ სიაში ცვლილებების შესაძლებლობა იქნება 21 აგვისტოს 18:00 საათამდე. ჩვენი რჩევაა, რაც შეიძლება მეტი საგანმანათლებლო პროგრამა აირჩიონ, ასევე შენახვის ღილაკს დააჭირონ და დაიმახსოვრონ ყველა ცვლილება“, – აღნიშნა